Egun Berdea

Lurraldea, eskola eta ingurune naturala

Jasangarritasunaren ikuspegi integrala

2025ean, Egun Berdea jasangarritasunarekiko sentsibilizazio- eta konpromiso-jarduera bat izan zen, Iruñeko eta Iruñerriko ikastetxeei zuzendua, bereziki haurrengan eta gazteengan arreta jarriz.

Jarduerak hiru esparru osagarritan garatu ziren, uneoro ikastetxe bakoitzaren beharretara eta ezaugarrietara egokituz:

1. Legardako suteak kaltetutako eremuan landaketa-ekintzak, non ikasleek zuzenean parte hartu zuten bereziki sentikorra eta lehengoratzea behar zuen naturgune baten berreskurapenean. Esperientzia horri esker, ingurumen-lehengoratzearen eta tokiko ekosistemak zaintzearen garrantzia ulertu ahal izan zen.
2. Hezkuntza-jarduerak ikastetxeetan, talde bakoitzaren beharretara diseinatu eta egokituak. Proposamen horiek jasangarritasunarekin, ingurunea errespetatzearekin eta ingurumen-kontzientziarekin lotutako edukiak landu zituzten, tailerren, dinamika parte-hartzaileen, jarduera praktikoen eta animaliekin harremana eta ikaskuntza izateko guneen bidez, natur-ingurunearen zaintza eta ongizatea gertutik ulertzea erraztuz.
3. Naturalia Baserrian egindako jarduerak, naturarekin, animalien ongizatearekin, baliabideen zikloarekin eta ingurumen-erantzukizunarekin lotutako esperientzia bizipenezkoen bidez ikaskuntza osatzeko aukera eman zuen gune batean. Jarduera horiek ikasleen eta natur-ingurunearen arteko lotura indartu zuten, esperimentazioa, behaketa eta hausnarketa uztartuz.

Ekintzen konbinazio horrek –lurraldea, eskola eta ingurune naturala– jasangarritasunaren ikuspegi integrala eskaini zuen, ikaskuntza esanguratsua eta haurren zein gazteen konpromiso aktiboa sustatuz.

Proiektu honekin, Fundación Caja Navarra-k ingurumen-hezkuntzarekiko eta herritar gazte kontziente eta konprometitu baten garapenarekiko konpromisoa berretsi zuen. Egun Berdea urteroko ekimen gisa sendotu zen, ikastetxeekin lankidetza bultzatzen duena eta ongizate sozial eta ingurumenekoari laguntzen diona.